Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору Кыргыз Республикасынын жарандарын Турция Республикасында мейманкана тейлөө тармагында ишке орноштуруу үчүн онлайн – каттоо ачылгандыгын жарыялайт.

МААНИЛҮҮ!
2025-жылдын 26-декабрында катталган адамдар кайра каттоого катыша алышпайт. Кайра каттоого аракет кылынса, анкета жараксыз деп табылат.

Ишке орноштуруу төмөнкү мейманканаларда жүргүзүлөт:
Swandor Topkapi Palasi, Swandor Kiriş, Likya Word, Juju Premier Palase.

Эмгек акы:

Эмгек акы 900 АКШ долларынан баштап жана андан жогору

Иш режими жана эмгек келишиминин шарттары:

• иш убактысы — күнүнө 8 саат, жумасына 6 күн
• эмгек келишиминин мөөнөтү — 6 ай

Жумуш орундар:

• Официант
• Кабыл алуу бөлүмүнүн адиси
• Аниматор
• Аймакты тазалоочу кызматкер
• Ашпозчунун жардамчысы
• Guest Relations -Коноктор менен иштөө боюнча адис
• Бөлмө тазалоочу кызматкерлер

Талаптар:

• Кыргыз Республикасынын жарандыгы
• жаш курагы 19 жаштан 35 жашка чейин
• 2027-жылга чейин жарактуу жалпы жарандык (чет өлкөгө чыгуучу) паспорту болушу
• түрк жана орус тилдерин билүү артыкчылык болуп саналат

Иш берүүчүнүн милдеттенмелери:

• Баруу жана кайтып келүү авиабилетин камсыз кылынат 
• медициналык кароодон өткөрүүнү уюштуруу
• медициналык камсыздандыруу жана медициналык тейлөө менен камсыз кылуу
• жатакана жана күнүнө үч маал тамак-аш менен камсыз кылынат   

Каттоого шилтеме

Маанилүү маалымат:
Жарандарды чет өлкөдө ишке орноштуруу борборунун кызматтары акысыз көрсөтүлөт. Талапкерлерден ортомчулук кызматтары үчүн акы алынбайт.
Төлөмдөр визалык жол-жоболордун алкагында гана жүргүзүлөт. 

Катталган талапкерлерди тандап алуу туркиялык иш берүүчүлөр тарабынан жүргүзүлөт. Эгерде 500 орун толукталса, онлайн каттоо автоматтык түрдө жабылат.